لاغاب خلك والرجاء فيه مقطوع

لاغاب (خلّك) والرجاء فيه مقـــطوع
لابه (رسايل) تاصلك واتصـــــــالات

الخط مغلق...كنّه (الكرت) مـــــنزوع
من ضيقتك تلعن جميـع الاشتراكـــات

تضرب على الكفّين والقلب مفــجوع
تضيق بك عقبه جميـع المســـاحـات

في ليل دامس ضايعٍ مابه شمــــوع
(الفكر) تايه فـي دروب المتاهــــات

(العين) تذرف بالدقايق له دمــــــوع
و(القلب) عايش بين حسره وونـــــات

لوّ انك تجر الصوت ماهوب مســـــموع
ياطول مـا بينـك وبينـه مسافــــــات

يمكن ظروفه مامشت له على طـــوع
ويمكن سلا فكره بروحـه وجيّـــــات

سايح بدار(الغرب) والأجر مدفــــــوع
يسرح ويمرح بيـن سجّـه ولـــــــذات

الجو صافي بين خضره وينبـــــــوع
وأنت بسموم(القيض) مابه إجــــازات

الهم مدهالك من أسبـوع لسبــــــوع
لاحل ذكرى (الترف) هلّيت عــــــبرات

صار(السفر) كنّه مثل حبّة الكــــــوع
جمع الحبايب سابع المســـــتحيـلات

بس الأكيد أن (الغلا) فيك مــــــزروع
(الحب) يبقى بالضمايـر ولا مـــــــات

الصدق قلته والزعل دوم مرفــــــوع
وقت(السفر) تبدي كثيـر المعانـــات

وسلامتكم

آطيب المنىا

م\ن

بوح جميل جداا
راق لذائقتى كثيرا
و دام قلمك الجميل
تقديرى ~

آآنرتي متصفحي بدفء هطولك وشموع تواجدك
شااكر لكي هذا المرور والحضور ...