عمر البحر مـآ شال هم السفينه

السلام عليكم ورحمة الله وبركاته
قصيده عجبتني وحبيت آنقلها لكم
آتمنى ان تنال اعجابكم

من طبعي آرد الإساءهـ { بالاحسان }
وأساير ظروف الزمان اللعيـــــنه ..

وأطوف الغلطه من { أفلان .. وفلان }
يعني من أجل { عين } تكـــرم مدينه ..

الكامل الله والخطا طبع { الانسان }
والدرب يفرق عن يسارهـ ويميــــنه ..

و { ـالصاحب }اللي لـه معزهـ وله شان
ان جاني بـشيـنه .. تذكـرت زينه ..

آتحمل آخطاءهـ معي { قدر الأمكان }
من جـــانبي تبقى العـــلاقه متينه ..

واللي { يغلطني } وانا ماني بغلطان
آصـــــابعي احطها { وسط عينه } ..

ما دامني مسلم وفي قلبي إيمـــــان
عمر{ البحر } ماشال هم السفينه ..

مرت علي { انواع ..واشكال.. وألوان }
بين { العقول } الناقصه ..والــرزينه

عندي قناعه ان { الإنسان شيطان }
اذا يهينكـ { لازم } انك تهينـــه ..

يعني اذا حاجتكـ { بيدين عدوان }
يكفيكـ شرالمهزله..والغـــبينه ..

من{ كثر ماجاني } من الناس خذلان
تحرجني حتى كلمة { الله يعـــــينه }

صحيح لي { ربع .. وجماعه .. وخلان }
وأضيق لكن حاجة الناس.. شيـــــنه

الشخص دام انه بكل شي{ خسران }
تأكد انهآ من عمايل { يديـــــنه } ..

من مرحلة { حب .. ومشاعر .. وحرمان }
إن مالــعنت الحــب تلعـنه سنــينه ..

اكتب شعر واعزف من { اشواقي الحــآن }
واسلي قلوب الغـــرام الحزينــه ..

ولو الشعر مخلوق في { هيئة انسان }
والله لأقول له تسلم {واقبل جبينه }...~

وسلامتكم
صح لسان شاعرهاا

منقول

ماأروع مانثرت هنا ,,
راق لى كثيرا
و دام ابداعك الغلا
مع خالص ,
شكرى وتقديرى ~

يسعدني ويشرفني تواجدكـ وترك بصماتكـ على صفحتي
آآشرقت الانوار بحضوركـ شاكر لكـ المرور العطر
واتمنى لكـي التوفيق اينما كنتي...!!